Smiley face
Smiley face
Smiley face

ترامپ: ئێران پابەند نییە بە ڕێککەوتنی ئەتۆمی

2017-04-21 12:57:14



ڕۆژنیوز - ناوەندی هەواڵەکان

 

دۆناڵد ترامپ، سەرۆکی ئەمریکا ڕایگەیاندووە، کە ئێران پابەند نییە بە ماددەکانی ئەو ڕێککەوتنامە ئەتۆمییەی لەگەڵ ئەمریکا واژۆی کردووە.

 

ئەمڕۆ دۆناڵد ترامپ لە کۆنگرەیەکی ڕۆژنامەنووسیدا کە سەرۆک وەزیرانی ئیتالیاش تێیدا بەشداربوو، ڕایگەیاند، کە ڕێککەوتننامەی ئەتۆمی نێوان ئەمریکا و ئێران ڕێککەوتنێکی زۆر خراپە.

 

ترامپ هەروەها وتووشیەتی، کە پێویستە لە داهاتوویەکی نزیکدا بەو ڕێککەوتننامەیەدا بچینەوە و بیگۆڕین یان نوێی بکەینەوە.

 

ترامپ ئاماژەی بۆ ئەوەشداوە، کە چیدی نابێت ڕێککەوتنی لەم بابەتە واژۆبکرێت لەلایەن ئەمریکاوە.

 

سەرۆکی ئەمریکا وتووشیەتی:"من پشتگیری هەموو پەیمانێک دەکەم، بەڵام ئەم پەیمانە زۆر خراپە، لەم بارەیەدا بە وردی لێکۆڵینەوە دەکەین و هەڵوێستی ڕوونی خۆمان بوم زووانە ئاشکرادەکەین".

 

ئەمە لە کاتێکدایە، کە پێشتر ڕێکس تەیلرسۆن، وەزیری دەرەوەی ئەمریکا وتبووی، ئێران بە هەمان ڕێگادا دەڕوات کە کوریای باکور ڕۆیشتووە و پێویستە ڕێگری بکرێت لە ڕوودانی ئەمە.

 

د.خ

 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin