Smiley face
Smiley face
Smiley face

شەهبا بەزۆر چۆڵ دەکرێت و چەتەکانی تێدا جێگر دەکرێت

2017-04-21 12:27:03



ڕۆژنیوز - ناوەندی هەواڵەکان

 

دەوڵەتی تورک بەمەبەستی گۆڕینی دیموگرافی ناوچەکە، لە ڕێگای سیخوڕەکانییەوە، زەوییەکانی هەرێمی شەهبا دەکڕێت و ڕێگا بۆ ئەو چەتانە دەکاتەوە کە هێزە سەربازییەکانی تورک پەروەردەی کردوون و لەوێ جێگریان دەکات.

 

بەگوێرەی سەرچاوە خۆجێییەکانی شارۆچکەی ڕاعی باکوری سوریا دەوڵەتی تورک لە ڕێگای سیخوڕەکانی لە ناوچەکەدا ماڵ و زەوی هاوڵاتیان دەکڕێت و هاوڵاتیان ناچاردەکات شوێنی خۆیان بەجێبێڵن.

 

ئەو سەرچاوانە دەڵێن، کە دەوڵەتی تورک بەم کارە چەتەکان لەوێ ڕێکدەخات و هاوڵاتیان ناچاردەکات لە خاکی خۆیان بچنە دەرەوە.

 

دەوڵەتی تورک چەتەکانی سوڵتان موراد و سلێمان شا کە لەلایەن هێزە سەربازییەکانی تورکەوە پەروەردەکراون لە شارۆچکەی ڕاعی باکوری سوریا جێگردەکات و بەم شێوەیە دەیەوێت هەم پێگەی سەربازی لە باکوری سوریا بەهێزبکات و هەم دیموگرافی ناوچەکە بگۆڕێت.

 

سەرچاوە خۆجێییەکان ئاشکرایان کردووە، کە دەوڵەتی تورک لە نزیک سنوورەکانی باکوری سوریا زەوییەک بە ڕووبەری چوار هەکتاری بە ٤٠ ملیۆنی سووری کڕیوە، هەروەها لە شوێنێکی دیکەش چوار هەزا مەتری زەوی بە ١١ ملیۆنی سوری کڕیوە.

 

ئەمە لە کاتێکدایە، کە هاوڵاتیانی ناوچەکە دەڵێن، ئەگەر زەوییەکان-یان پێ نەفرۆشین چەتەکانی سوڵتان موراد و سلێمان شا بەزۆری ناچارمان دەکەن بیفرۆشین و ناوچەکە بەجێبێڵین.

 

جێگای ئاماژەیە، کە دەوڵەتی تورک لە ڕۆژی ٣ی ئەیلولی ساڵی ٢٠١٦دا شارۆچکەی ڕاعی داگیرکرد.

 

د.خ

 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin