Smiley face
Smiley face
Smiley face

چەند ڕۆژێکی دیکە منبیج ڕووناک دەبێتەوە

2017-04-21 12:19:39



ڕۆژنیوز - منبیج

 

لەو کاتەوەی چەتەکانی داعش پردی ڕێگای حەلەبیان ڕووخاند، کارەبای نیوەی شاری منبیج بڕابوو، کۆمیتەی خزمەتگوزاریی شارەکە لە ماوەیەی چەند رۆژی ڕابردوودا کاری چاککردنەوەی پردەکەی دەستپێکردووە و تا چەند ڕۆژی دیکە هەمووی منبیج ڕووناک دەبێتەوە.

 

کۆمتیە خزمەتگوزاری سەر بە ناوەندی کارەبای شاری منبیج، بە چاککردنەوەی پردی رێگای حەلەب تۆڕی کارەبای شارەکەش دروست دەکاتەوە و وا بڕیارە لە چەند ڕۆژی داهاتوودا کارەبا بۆ سەرتاسەری منبیج بگەڕێتەوە.

 

چەتەکانی داعش ئەو کاتەی شاری منبیجیان داگیرکردبوو، پردی ڕێگای حەلەب-یان ڕوخاندبوو، هەر ئەمەش بووە هۆی ئەوەی کارەبای ٥٠%ی شاری منبیج ببڕێت و تۆڕی کارەبای شارەکە تووشی کێشە بێت.

 

 

کۆمیتەی خزمەتگوزاری سەربە ناوەندی کارەبای شاری منبیج، شەش ڕۆژ پێش لەمەوبەر هەستا بە چاککردنەوەی ئەو پردە و پاشان دروستکردنەوەی تۆڕی کارەبای شارەکە.

 

 

بەڕێوەبەرانی کۆمیتەی خزمەتگوزاری دەڵێن تا چوار ڕۆژی دیکە کاری چاککردنەوەی پردەکە کۆتایی دێت و پاشان هەموو شاری منبیج دەتوانن بەبێ هیچ کێشەیەک کارەبا بەکاربێنن.

 

د.خ

 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin