Smiley face
Smiley face
Smiley face

له‌ شاره‌زوور پۆلیس دانه‌وێڵه‌ی بۆ باڵنده‌ى کێوى ڕۆکرد

2017-02-17 20:44:42



ڕۆژنیوز ـ هاوکار مسته‌فا


به‌شى پۆلیسى دارستان و ژینگه‌ى شارۆچکه‌ى شاره‌زوور دانه‌وێڵه‌ى بۆ باڵنده‌ کێویه‌کانى ده‌وروبه‌رى گونده‌کانى سنورى شارۆچکه‌که‌ ڕۆکرد، ئه‌وه‌ش به‌ مه‌به‌ستى پاراستنیان له‌م وه‌رزه‌ سارده‌دا.


 ئێواره‌ی ئه‌مڕۆ به‌شی پۆلیسی دارستان و ژینگه‌ی قه‌زای شاره‌زوور له‌ هه‌ڵمه‌تێکی تایبه‌تدا و به‌ مه‌به‌ستی ڕزگارکردنی باڵنده‌ کێویه‌کان له‌ ئه‌گه‌ری له‌ناوچون به‌هۆی نه‌بونی خۆراکه‌وه‌، هه‌ستان به‌ دانانی دانه‌وێڵه‌ بۆ په‌له‌وه‌ر و باڵنده‌ کێویه‌کان له‌ سنوری گونده‌کانی ده‌وروبه‌ری شاره‌زوور.


ڕائید سه‌ردار ئه‌حمه‌د، به‌ڕێوه‌به‌ری پۆلیسی دارستان و ژینگه‌ی شاره‌زوور به‌ ڕۆژنیوزی وت: به‌هۆی به‌رده‌وامی ئه‌و شه‌پۆله‌ سه‌رمایه‌ی که‌ ڕووی له‌ ناوچه‌که‌ کردووه‌ و پله‌کانی گه‌رماش به‌ ڕاده‌یه‌کی زۆر دابه‌زیون وه‌ک ئه‌رکێکی مرۆڤدۆستانه‌ و به‌ مه‌به‌ستی پاراستنی سروشتی ناوچه‌که‌مان و پاراستنی باڵنده‌کان له‌ ئه‌گه‌ری له‌ناوچون ئێواره‌ی ئه‌مڕۆ هه‌ینی هه‌ڵمه‌تێکی ڕۆکردنی دانه‌وێڵه‌مان ده‌ستپێکردووه‌.

 


ئاماژه‌ی به‌وه‌شکرد: دابینکردنی دانه‌ویڵه‌کان له‌سه‌ر ئه‌رکی خۆمان بووه‌ و له‌و شوێنانه‌ ڕۆمانکردووه‌ که‌ ڕێژه‌یه‌کی زۆر به‌فری لێ باریوه‌ به‌تایبه‌ت سنوری بناری سۆڵه‌ و گونده‌کانی (زه‌له‌ڕه‌ش و هه‌سه‌نه‌ کاڵه‌) چونکه‌ له‌و شوێنانه‌ باڵنده‌کان ناتوانن به‌ ئاسانی خۆراکییان ده‌ست بکه‌وێت.


وتیشی: تیمه‌کانمان به‌ گوێره‌ی توانای خۆیان چاودێری ئه‌و شوێنانه‌ ده‌که‌ین، که‌ گومانده‌کرێت که‌سانی نابه‌رپرس هه‌ستن به‌ ئه‌نجادانی ڕاوی نایاسایی، بۆیه‌ هه‌ر که‌سێک ده‌ستگیر بکرێت ڕووبه‌ڕوی یاسای ده‌که‌ینه‌وه‌.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin