Smiley face
Smiley face
Smiley face

سۆران، ئه‌و ژنه‌ی هه‌فته‌ی ڕابردوو خۆی سوتاند گیانی له‌ده‌ستدا

2017-02-13 10:22:19



ڕۆژنیوز - ڕابین سۆرانی

 

دوای ئه‌وه‌ی هه‌فته‌ی رابردوو له‌ شاروچکه‌ی سۆرانی سه‌ر به‌ پارێزگای هه‌ولێر، ژنێکی ته‌مه‌ن ١٨ ساڵ به‌هۆی کێشه‌ی کۆمه‌لایه‌تی خۆی سوتاند، ئێواره‌ی دوێنێ له‌ نه‌خۆشخانه‌ی رۆژئاوای شاری هه‌ولێر گیانی له‌ده‌ستدا  و چه‌ند رۆژێک به‌رله‌ گیان له‌ده‌ستدانه‌که‌شی سکاڵای دژی هاوسەرەکەی تۆمارکردووه‌.

 

ڕۆژی ٦/ئەم مانگە  لە شارۆچکەی سۆرانی سەر بە پارێزگای هەولێر ژنێکی تەمەن ١٨ ساڵان خۆی سوتاند و بەهۆی زۆری ڕێژەی سوتانەکەیەوە، شەوی ڕابردوو لە نەخۆشخانەی فریاکەوتنی ڕۆژئاوای هەولێر گیانی لەدەستدا.

 

هەرچەندە پێشتر ملازم شێروان خالید، بەرپرسی ڕاگەیاندنی بەرێوەبەرایەتی بەرنگاربوونەوەی توندوتیژی دژی ژنان لە سۆران بۆ رۆژنیوز وتبوو:"بە پێی وتەی خۆی ئەو ژنە لە حەمام بەهۆی ڕژانی نەوت بە جلەکانیدا سوتاوە"، بەڵام بەپێی سەرچاوەیەکی ڕۆژنیوز لە ‌نه‌خۆشخانه‌ی ڕۆژئاوای هه‌ولێر، وته‌ی ژنەکە وه‌رگیراوه‌ته‌وه‌ و ئاماژه‌ی بۆئه‌وه‌کردووه‌ که‌ "به‌هۆی کێشه‌ی کۆمه‌ڵایه‌تی و لە رقی هاوسەرەکەی خۆی سوتاندووه‌".

 

بە وتەی سەرچاوەکە، ئەو ژنە سکاڵای لەسەر هاوسەرەکەی تۆمارکردووە و بە پۆلیسی وتوو:"هاوسەرەکەم چەند جارێک لێیداوم و ئەشکەنجەی داوم".

 

هەروەها، هەمان ئەو ڕۆژەی کە خۆی سوتاندووە، لەلایەن هاوسەرەکەیەوە لێیدراوە .

 

ئه‌و ژنه،‌ دانیشتووی گەڕەکی زۆسکی سەر بە شارۆچکەی سۆرانە و ماوەی سێ ساڵە هاوسەرگیری کردووە.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin